أنا تعبت من كتر ما أخدت مضادات حيويه يا دكتور، أرجوك شوف لى حل
سيده فى العقد السابع من عمرها تعانى من ألم متكرر بالكلية اليسرى مع التهاب بولى و صديد متكرر بالمسالك البولية
أنا روحت لدكاترة كتير و تقريبا مفيش دكتور مسالك بولية ماروحتش عنده و عملت كل الفحوصات اللي طلبوها منى و كلهم كانوا بيكتبوا لى كوزس مضاد حيوى بيحسن الدنيا و بعدين الالتهاب و الصديد بيرجع تاني و أشد من الأول كمان و لا كأنى أخدت علاج قبل كده
مسكت الاشعات و اللي كلها تقريبا كانت سليمه و مفهاش اي حاجه ممكن توضح سبب تكرار الالتهاب المسالك البوليه المتكرر عندها..
تحاليل بول كتيره كلها بتقول صديد عالى جدا over count و اللي بيتحسن تمامآ بعد كورس العلاج و بعدين يرجع overcount تاني و تحليل مزرعة بول بتقول مكروب بكتيري عادى و ان اغلب المضادات الحيويه اللي في السوق ايجابيه ناحيته و ممكن تقضي عليه بسهوله..
الاشعه المقطعيه و اللى المفروض تجيب دبة النملة مفهاش اى حاجه و تقريبا سليمه و التقرير بتاعها كويس جدا
عملت لها سونار بتفسي لمحت تجويف صغير في اعلي الكليه اليسري اقل من ١ سم يشبه الخراج الصغير و لكن ليس متيقن منه و خصوصا انه لم يتم ذكره في الاشعه المقطعيه و التلفزيويه اللي جت لي بيهم
طلبت منها تحكي لي تانى عن اللي حصل من الاول و تحكي لي عن كل عن كل حاجه عندها و اللي كانت سلبيه ماعدا انها عملت عملية كسر في عضمة الحوض نتيجة هشاشة عظام و إن عندها مرض مناعى في القولون ماشيه له علاج من زمان
و هنا بدأت الدنيا تنور قدامى و الخيوط تتجمع و روحت سألتها بتاخدى ايه لعلاج القولون قالت لي عقار السيليسيبت cilicept
الان اكتملت خيوط التشخيص السليم
- التهاب بولى متكرر
- مكروب ضعيف يمكن القضاء عليه بواسطة الكثير من المضادات الحيوية
- اشتباه خراج بالكلية اليسرى
- تاريخ علاجى بواسطة عقار السليسيبت
اذا فالمشكلة ليست في المضادات الحيوية و ليست عضويه فى الجهز البولى و انما في ضعف شديد في المناعه نتيجة الاستمرار علي عقار يثبط المناعه لفترات طويله أدي الي حدوث التهاب متكرر في المسالك البولية و اشتباه خراج صديدي بالكلية اليسرى و الدي يتحسن باستخدام المضادات الحيويه نظرا لان المكروب ضعيف وليس مقاوم للمضادات الحيوية ثم يأتي بعد ذلك مكروب ضعيف أخر يعيد نفس الدورة
فالعلاج هنا ليس فى المضادات الحيوية و إنما علاجها الاساسى فى تقوية مناعتها و تقليل او استبدال السيليسبت و الذي كان فعليا حلا جذريا و ناجحا لمشكلة عانت صاحبتها منها أشد المعاناة لفترات طويلة
د أحمد كمال حسب النبى استشارى المسالك البوليه و الذكوره و العقم بكلية الطب جامعة أسيوط
برج ابن سينا بجوار سينما رينسانس الميدوب بجوار مستشفى الشامله و أعلى بى تيك الميدوب أسيوط
٠١٠٢٥٥٠٢٠٠٠
٠١٠٣٣٠٩٠٠٠١